སྟོང་འཁོར་བཙུན་དགོན་དང་། རིགས་གསུམ་མགོན་པོའི་གནས།

གསེར་རྟ་དང་དཀར་མཛེས་གཉིས་ཀྱི་ལམ་བར་དུ་ཡོད། དུས་རབས་བརྒྱད་པའི་དཀྱིལ་ཙམ་ལ་སློབ་དཔོན་པདྨ་འབྱུང་གནས་ཀྱི་དངོས་སློབ་གཡུ་སྒྲ་སྙིང་པོས་གནས་སྒོ་ཕྱེ། ལོ་ཆེན་བཻ་རོ་ཙ་ན་དང་གཡུ་སྒྲ་སྙིང་པོ་གཉིས་ཀ་གནས་དེར་ཡུན་རིང་དུ་བཞུགས། དུས་རབས་བཅུ་དྲུག་པའི་ནང་དུ་སྟོང་འཁོར་ཞབས་དྲུང་སྐུ་ཕྲེང་གསུམ་པ་རྒྱལ་བ་རྒྱ་མཚོས་གནས་དེར་རིགས་གསུམ་མགོན་པོའི་གནས་ངོས་འཛིན་མཛད། ལྷ་ལུང་དཔལ་རྡོར་གྱིས་གླང་དར་བཀུམ་རྗེས་ཁམས་ཕྱོགས་སུ་བྲོས་ནས་གནས་དེར་བཞུགས་ཏེ་སྒོམ་སྒྲུབ་དང་སྒྲིབ་སྦྱང་ཆེད། གནས་ཆེན་བརྒྱ་དང་བརྒྱད་ལ་མཆོད་རྟེན་བརྒྱ་དང་བརྒྱད་བཞེངས་པའི་གྲས་ཀྱི་མཆོད་རྟེན་ཞིག་ཀྱང་ཡོད། དུས་རབས་བཅོ་ལྔ་པའི་ནང་སྟོང་འཁོར་ཞབས་དྲུང་སྐུ་ཕྲེང་དང་པོ་ཆོས་རྗེ་ཟླ་བ་རྒྱལ་མཚན་དབུས་ཀྱི་གདན་ས་སེ་ར་ཐེག་ཆེན་གླིང་ནས་ཕྱིར་ཕེབས་རྗེས་སྒྲུབ་པ་ཉམས་བཞེས་ཡུན་རིང་དུ་མཛད་སའི་ཟླ་བའི་ཕུག་པ་ཞེས་པ་མཇལ་རྒྱུ་ཡོད། ཞབས་དྲུང་དང་པོས་སྟོང་འཁོར་དགོན་ཕྱག་མ་བཏབ་སྔོན་དུ་གུ་རུའི་སྐུ་ཞིག་གཏེར་ནས་བཞེས་སའི་སྨན་ཆུ་ཡང་དེར་ཡོད། ཞབས་དྲུང་དགུ་པས་གནས་དེར་བདེ་མཆོག་བསྙེན་སྒྲུབ་དང་། འཕོ་སྦྱོང་སྐབས་ལྟས་དང་རྟེན་འབྲེལ་ངོ་མཚར་བ་བྱུང་། ཞབས་དྲུང་ལྔ་པ་ཆེན་པོ་དང་། གཏེར་ཆེན་ཆོས་རྒྱལ་གླིང་པ་སོགས་ཀྱིས་ཟབ་གཏེར་བཞེས་ཏེ་སྒྲུབ་གནས་བྱིན་གྱིས་བརླབས་པ་ཞབས་དྲུང་དྲུག་པའི་གནས་ཡིག་ཏུ་གསལ། སྟོང་འཁོར་ཞབས་དྲུང་སྐུ་ཕྲེང་བཅུ་གཅིག་བར་གྱི་སྐུ་ཕྲེང་རིམ་བྱོན་དང་། དྷི་རི་ཆོས་གྲགས་ཁྱི་ཐུལ་བ། སློབ་དཔོན་དགའ་རབ་རྡོ་རྗེ། གླིང་རིན་པོ་ཆེ་སྐུ་ཕྲེང་གཉིས་པ་འདན་ཆོས་འཁོར་སྤྲུལ་སྐུ། ལམ་བྲག་རིན་པོ་ཆེ་རིམ་བྱོན། བྲག་དཀར་པཎྜི་ཏ། མཁན་ཆེན་འཇིགས་མེད་ཕུན་ཚོགས། ར་འཕྲོ་མཁན་པོ་སོགས་དངོས་སུ་ཞབས་བཅགས་ཤིང་། གནས་འདི་གྲུབ་པ་ཐོབ་པ་དང་བྱ་བྲལ་བ་མང་པོའི་སྒྲུབ་གནས་སུ་བྱིན་གྱིས་བརླབས་པར་མཛད། ཕྱི་ལོ་ ༡༩༨༦ ལོར་པཎ་ཆེན་རིན་པོ་ཆེ་སྐུ་ཕྲེང་བཅུ་པ་ཡོངས་འཛིན་དང་བཅས་ཆེད་ཕེབས་ཀྱིས་གནས་གཟིགས་དང་། རྣམ་འདྲེན་ལྔ་པའི་སྐུ་བརྙན་ལ་

འཕྲུལ་དེབ་མཚམས་སྦྱོར།

 

འདིར་མནན་ཏེ་ཕབ་ལེན་གནོངས།

༄༅། །ཁམས་སྟོང་འཁོར་དགོན་གྱི་དཔེ་ཁྲིད་དགེན་སེར་སྨད་དགེ་བཤེས་ཉི་མ་མཆོག་ནས་བརྩམས་པའི་<< བྱང་ཆུབ་ལམ་གྱི་རིམ་པ་ལས་བཏུས་པའི་ཏིང་ངེ་འཛིན་སྒྲུབ་པའི་རིམ་པ་བསམ་གཏན་སྒོ་འབྱེད།>> ཞེས་པ་འདི་ཕྱི་ལོ་ ༢༠༡༨ ལོའི་རྒྱལ་བ་ལྷ་ལས་བབ་པའི་དུས་ཆེན་ཁྱད་པར་ཅན་གྱི་ཉིན་མོར་ཕ་ཡུལ་ཁམས་སྟོང་སྐོར་དགོན་དུ་མཇུག་རྫོགས་པར་གནང་སྟེ་བོད་ནང་ནས་དཔེ་སྐྲུན་དང་འགྲེམས་སྤེལ་ཞུས་པ་དང་།

ད་ལན་བོད་ཕྱི་ནས་ཀྱང་འཕྲུལ་དེབ་གསར་བཟོ་ཞུས་པ་འདིར་འཇོག་ཡོད་ན། དོན་གཉེར་ཅན་རྣམ་པས་དྲ་ལམ་འདི་ནས་ཕབ་ལེན་གནང་རོགས་ཞུ།

༄༅། །ཁམས་སྟོང་འཁོར་དགོན་དུ་དབྱར་གནས་གྲོལ་བའི་ཉིན་མཐའ་མར་སྔར་སྲོལ་བཟང་པོའི་སེམས་བསྐྱེད་སྡོམ་པ་འབོགས་སྐབས་ཀྱི་རྣམ་པའི་ཟེར་གཅིག

སྨོན་ལམ་ཚིག་མཛོད་གསར་ཐོན།

༄༅། །དགེ་བཤེས་སྨོན་ལམ་ལགས་ཀྱིས་དབུ་ཁྲིད་དེ་སྨོན་ལམ་བརྡ་འཕྲིན་ཞིབ་འཇུག་ཁང་ནས་གཙོ་སྐྱོང་གནང་བའི་ལོ་ངོ་དགུའི་ལས་འཆར་ཅན་གྱི་སྨོན་ལམ་ཚིག་མཛོད་ཆེན་མོ་འདི་ཉིད་ལེགས་གྲུབ་བྱུང་སྟེ། ཕྱི་ལོ་ ༢༠༢༢ ཟླ་ ༥ ཚེས་ ༢༧ ཉིན་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་ཞལ་སྔ་ནས་དབུ་འབྱེད་གནང་བ་དང་།

ཚིག་མཛོད་འདི་ལ་མཚོན་ན་དེབ་གྲངས་ ༢༢༣ ཡོད་ཅིང་འཛམ་གླིང་ནང་ཚིག་མཛོད་ཆེས་ཆེ་ཤོས་སུ་གྱུར་པ་དང་། བོད་རང་གི་སྐད་ཡིག་ཐོག་དེང་རབས་ཀྱི་ཁྱད་ཆོས་ལྡན་ལ་གནའ་དེང་གི་ཐ་སྙད་ཀྱིས་ཕྱུག་པ། ཚིག་དོན་གང་ལ་འབྲུ་འགྲེལ་བྱེད་སྐབས་ཁུངས་གང་ལ་གཏུགས་སའི་ཡིག་ཆའི་མིང་དང་ཤོག་གྲངས་ཡན་ཆད་གསལ་པོ་འཁོད་པ་སོགས་ཁྱད་ཆོས་ཧ་ཅང་ཆེན་པོ་འདུག

དགའ་ལྡན་ལྔ་མཆོད་ཆེན་མོ།

 

མཁྱེན་རབ་ཉི་མ་སྟོང་གི་གཟི་འོད་འབར།།

བརྩེ་ཆེན་ཟླ་བ་གསར་པའི་འཛུམ་དཀར་འཕྲོ།།

ནུས་པའི་སྐར་ཚོགས་ཕྲེང་བས་མཁའ་དབྱིངས་མཛེས།།

འཇམ་མགོན་རྒྱལ་བ་གཉིས་པའི་ཞབས་ལ་འདུད།།

 

བདེ་གཤེགས་སྟོན་པའི་རྨད་བྱུང་ཆོ་འཕྲུལ་གར།།

སྡེ་དྲུག་གཡུལ་ལས་རྒྱལ་བའི་རྗེས་དྲན་ཚུལ།།

འཇམ་མགོན་བླ་མས་གསར་གཏོད་མཛད་པ་ཡི།།

ལུགས་བཟང་འདི་ཉིད་ནམ་ཡང་འབར་གྱུར་ཅིག །

 

འཇམ་མགོན་༸རྒྱལ་བ་གཉིས་པ་ཙོང་ཁ་པ་ཆེན་པོ་དགོངས་པ་ཞི་བར་གཤེགས་ནས་མི་ལོ་ཧྲིལ་པོ་ ༦༠༢ འཁོར་བའི་དགའ་ལྡན་ལྔ་མཆོད་ཆེན་མོ་ཉིན།

ཁམས་སྟོང་འཁོར་དགོན་གྱི་གླིང་བསྲེ་དམ་བཅའ།

 

༄༅། །དུས་རབས་བཅོ་ལྔ་པའི་སྨད་ཙམ་ལ་སྟོང་འཁོར་ཞབས་དྲུང་སྐུ་ཕྲེང་དང་པོ་རྗེ་ཟླ་བ་རྒྱལ་མཚན་གྱིས་སྟོང་འཁོར་དགོན་གསང་ཆེན་རྡོ་རྗེ་གླིང་ཕྱག་བཏབ་པ་དང་། སྟོང་འཁོར་ཞབས་དྲུང་སྐུ་ཕྲེང་དྲུག་པ་འཇམ་དཔལ་དགེ་འདུན་རྒྱ་མཚོས། གདན་ས་ཆེན་པོ་སེར་སྨད་ཐོས་བསམ་ནོར་གླིང་གྲྭ་ཚང་དང་མཐུན་པ་ཕྱི་ལོ་ ༡༨༠༠ ལོར་"ཆོས་གྲྭ་རྒྱལ་བསྟན་ནོར་བུའི་བང་མཛོད་ཕྱོགས་ལས་རྣམ་རྒྱལ་འཇམ་དབྱངས་ཀུན་དགའ་མཐོང་གྲོལ་"མཚན་ཉིད་ཀྱི་རྩོད་གྲྭ་གསར་འཛུགས་གནང་བ་ནས་བཟུང་། ད་བར་ལོ་ངོ་ ༢༠༠ ལྷག་ཙམ་གྱི་རིང་སེར་སྨད་གྲྭ་ཚང་གི་ཕྱག་སྲོལ་ལྟར་གླིང་བསྲེ་དགེ་བཤེས་བཏང་སྲོལ་ཡོད་པ་བཞིན། ད་ལན་ཕྱི་ལོ་ ༢༠༢༠ ཟླ་ ༨ ཚེས་ ༥ ནས་ ༨ བར་ཉིན་བཞིའི་རིང་དགེ་སློང་བློ་བཟང་འཇམ་དབྱངས་དང་། དགེ་སློང་ནོར་བུ་ཕུན་ཚོགས། དགེ་སློང་ཡ་མ་བསམ་འགྲུབ། དགེ་སློང་བློ་བཟང་རིན་ཆེན་བཅས་ཀྱིས་གླིང་བསྲེ་དགེ་བཤེས་ཀྱི་བཤད་གཞུང་དང་དམ་འཇོག དགེ་འདུན་མང་ལ་བསྙེན་བཀུར་གཟབ་རྒྱས་བཅས་ཞུས་ཡོད།