མཁྱེན་རབ་ཉི་མ་སྟོང་གི་གཟི་འོད་འབར།།
བརྩེ་ཆེན་ཟླ་བ་གསར་པའི་འཛུམ་དཀར་འཕྲོ།།
ནུས་པའི་སྐར་ཚོགས་ཕྲེང་བས་མཁའ་དབྱིངས་མཛེས།།
འཇམ་མགོན་རྒྱལ་བ་གཉིས་པའི་ཞབས་ལ་འདུད།།
བདེ་གཤེགས་སྟོན་པའི་རྨད་བྱུང་ཆོ་འཕྲུལ་གར།།
སྡེ་དྲུག་གཡུལ་ལས་རྒྱལ་བའི་རྗེས་དྲན་ཚུལ།།
འཇམ་མགོན་བླ་མས་གསར་གཏོད་མཛད་པ་ཡི།།
ལུགས་བཟང་འདི་ཉིད་ནམ་ཡང་འབར་གྱུར་ཅིག །
འཇམ་མགོན་༸རྒྱལ་བ་གཉིས་པ་ཙོང་ཁ་པ་ཆེན་པོ་དགོངས་པ་ཞི་བར་གཤེགས་ནས་མི་ལོ་ཧྲིལ་པོ་
༦༠༢ འཁོར་བའི་དགའ་ལྡན་ལྔ་མཆོད་ཆེན་མོ་ཉིན།
No comments:
Post a Comment