སྟོང་འཁོར་བཙུན་དགོན་དང་། རིགས་གསུམ་མགོན་པོའི་གནས་ཀྱི་ལོ་རྒྱུས།

གསེར་རྟ་དང་དཀར་མཛེས་གཉིས་ཀྱི་ལམ་བར་དུ་ཡོད། དུས་རབས་བརྒྱད་པའི་དཀྱིལ་ཙམ་ལ་སློབ་དཔོན་པདྨ་འབྱུང་གནས་ཀྱི་དངོས་སློབ་གཡུ་སྒྲ་སྙིང་པོས་གནས་སྒོ་ཕྱེ། ལོ་ཆེན་བཻ་རོ་ཙ་ན་དང་གཡུ་སྒྲ་སྙིང་པོ་གཉིས་ཀ་གནས་དེར་ཡུན་རིང་དུ་བཞུགས། དུས་རབས་བཅུ་དྲུག་པའི་ནང་དུ་སྟོང་འཁོར་ཞབས་དྲུང་སྐུ་ཕྲེང་གསུམ་པ་རྒྱལ་བ་རྒྱ་མཚོས་གནས་དེར་རིགས་གསུམ་མགོན་པོའི་གནས་ངོས་འཛིན་མཛད།

👉 རྒྱས་པར་གཟིགས།

ལྷ་ལུང་དཔལ་རྡོར་གྱིས་གླང་དར་བཀུམ་རྗེས་ཁམས་ཕྱོགས་སུ་བྲོས་ནས་གནས་དེར་བཞུགས་ཏེ་སྒོམ་སྒྲུབ་དང་སྒྲིབ་སྦྱང་ཆེད། གནས་ཆེན་བརྒྱ་དང་བརྒྱད་ལ་མཆོད་རྟེན་བརྒྱ་དང་བརྒྱད་བཞེངས་པའི་གྲས་ཀྱི་མཆོད་རྟེན་ཞིག་ཀྱང་ཡོད། དུས་རབས་བཅོ་ལྔ་པའི་ནང་སྟོང་འཁོར་ཞབས་དྲུང་སྐུ་ཕྲེང་དང་པོ་ཆོས་རྗེ་ཟླ་བ་རྒྱལ་མཚན་དབུས་ཀྱི་གདན་ས་སེ་ར་ཐེག་ཆེན་གླིང་ནས་ཕྱིར་ཕེབས་རྗེས་སྒྲུབ་པ་ཉམས་བཞེས་ཡུན་རིང་དུ་མཛད་སའི་ཟླ་བའི་ཕུག་པ་ཞེས་པ་མཇལ་རྒྱུ་ཡོད། ཞབས་དྲུང་དང་པོས་སྟོང་འཁོར་དགོན་ཕྱག་མ་བཏབ་སྔོན་དུ་གུ་རུའི་སྐུ་ཞིག་གཏེར་ནས་བཞེས་སའི་སྨན་ཆུ་ཡང་དེར་ཡོད། ཞབས་དྲུང་དགུ་པས་གནས་དེར་བདེ་མཆོག་བསྙེན་སྒྲུབ་དང་། འཕོ་སྦྱོང་སྐབས་ལྟས་དང་རྟེན་འབྲེལ་ངོ་མཚར་བ་བྱུང་། ཞབས་དྲུང་ལྔ་པ་ཆེན་པོ་དང་། གཏེར་ཆེན་ཆོས་རྒྱལ་གླིང་པ་སོགས་ཀྱིས་ཟབ་གཏེར་བཞེས་ཏེ་སྒྲུབ་གནས་བྱིན་གྱིས་བརླབས་པ་ཞབས་དྲུང་དྲུག་པའི་གནས་ཡིག་ཏུ་གསལ། སྟོང་འཁོར་ཞབས་དྲུང་སྐུ་ཕྲེང་བཅུ་གཅིག་བར་གྱི་སྐུ་ཕྲེང་རིམ་བྱོན་དང་། དྷི་རི་ཆོས་གྲགས་ཁྱི་ཐུལ་བ། སློབ་དཔོན་དགའ་རབ་རྡོ་རྗེ། གླིང་རིན་པོ་ཆེ་སྐུ་ཕྲེང་གཉིས་པ་འདན་ཆོས་འཁོར་སྤྲུལ་སྐུ། ལམ་བྲག་རིན་པོ་ཆེ་རིམ་བྱོན། བྲག་དཀར་པཎྜི་ཏ། མཁན་ཆེན་འཇིགས་མེད་ཕུན་ཚོགས། ར་འཕྲོ་མཁན་པོ་སོགས་དངོས་སུ་ཞབས་བཅགས་ཤིང་། གནས་འདི་གྲུབ་པ་ཐོབ་པ་དང་བྱ་བྲལ་བ་མང་པོའི་སྒྲུབ་གནས་སུ་བྱིན་གྱིས་བརླབས་པར་མཛད། ཕྱི་ལོ་ ༡༩༨༦ ལོར་པཎ་ཆེན་རིན་པོ་ཆེ་སྐུ་ཕྲེང་བཅུ་པ་ཡོངས་འཛིན་དང་བཅས་ཆེད་ཕེབས་ཀྱིས་གནས་གཟིགས་དང་། རྣམ་འདྲེན་ལྔ་པའི་སྐུ་བརྙན་ལ་རབ་གནས། བསང་མཆོད་སོགས་མཛད་པ་དང་། མང་ཚོགས་ལ་གནས་རི་སྲུང་སྐྱོབ་དགོས་པའི་བཀའ་སློབ་ནན་པོ་གནང་། ཡོངས་འཛིན་རྒྱ་ཡག་རིན་པོ་ཆེས། དུང་དཀར་རིགས་གསུམ་མགོན་པོ། །བཀྲ་ཤིས་གནས་ལ་ཆགས་ཡོད། །པཎ་ཆེན་སྣང་བ་མཐའ་ཡས། །མི་འཇིགས་གདན་ལ་བཞུགས་ཡོད། །ཅེས་པ་ལྗགས་རྩོམ་གནང་། གནས་ཀྱི་ཉེ་འདབས་སུ་སྟོང་འཁོར་ཡུལ་གྱི་བསོད་ནམས་ཀྱི་ཞིང་དུ་རྡོ་བརྐོས་རྒྱལ་བའི་བཀའ་འགྱུར་རིན་པོ་ཆེ་རྟེན་དང་བརྟེན་པ་བཅས་ཕྱི་ལོ་ ༢༠༡༧ ལོར་གསར་བཞེངས་ལེགས་པར་གྲུབ་སྐབས། སྟོང་འཁོར་ཞབས་དྲུང་སྐུ་ཕྲེང་བཅིུག་པ་ཆེན་པོས་བསྐུར་བའི་ངོར་རྒྱལ་དབང་བཅུ་བཞི་པ་ཆེན་པོ་ཐུགས་དགྱེས་པ་ཆེན་པོས་སྨོན་ཚིག་ལྗགས་རྩོམ་ཚིགས་བཅད་མ་སྩལ་ཡོད། མིང་གི་རྣམ་གྲངས། རིགས་གསུམ་མགོན་པོའི་གནས། སྟོང་སྐོར་གནས། སྟོང་འཁོར་གནས། སྟོང་འཁོར་སཽ་རཱ་ཥྚ། སྐུ་བསྭོ་ཐོག་གནས། བསཱོ་ཏོག་གནས། བསྭོ་ཏོག་གནས་བཅས་སོ།

སྟོང་འཁོར་བཙུན་དགོན་བསམ་གཏན་ཆོས་གླིང་།

ཁམས་སྟོང་འཁོར་གནས་ནང་དུ་ཡོད་པའི་ཇོ་མོའི་དགོན་པ་ཞིག་ཡིན། དུས་རབས་བཅོ་བརྒྱད་པའི་ནང་དུ་བྲག་དཀར་བླ་མ་བྱམས་པ་རབ་བརྟན་བྱང་ཆུབ་ཆོས་རྒྱལ་གྱིས། སྟོང་འཁོར་བསྭོ་ཐོག་གནས་ཀྱི་ཉེ་འདབས་དབེན་ལུང་ནང་དུ་ཕྱག་བཏབ། དེར་རྐུན་ཇག་ཧ་ཅང་མང་སྟབས་ཕྱིས་སུ་གཟིག་གདོང་གི་ཉེ་འདབས་གད་ཙི་ལ་སྤོས། ཆོས་བརྒྱུད་དགེ་ལུགས་ཡིན། འདུ་ཁང་དུ་རྟེན། རྗེ་ཡབ་སྲས་གསུམ་གྱི་སྨན་སྐུ། ཐུགས་རྗེ་ཆེན་པོ། བླ་མ་བྱམས་པ་རབ་བརྟན། སྟོང་འཁོར་ཞབས་དྲུང་སྐུ་ཕྲེང་ཞིག་གི་ཐང་ག་བཅས་ཡོད། གསུང་རྟེན། རྗེ་ཙོང་ཁ་པའི་གསུང་འབུམ་ཚར་གཉིས་དང་། ཇོ་མོ་རེ་ལ་ཁྲིད་ཆོས་སྐོར་དང་ལམ་རིམ་ཆེ་ཆུང་སོགས་ཡོད། དུས་འགྱུར་གྱི་སྐབས་སུ་སྤྱི་བྱིངས་ལྟར་དགོན་དེ་ཡང་ཐོར་ཞིག་ཏུ་སོང་། སླར་སྤྱི་ལོ་ ༡༩༩༠ ལོར་སྐུ་བསྭོ་ཐོག་རྒྱལ་བའི་དབེན་གནས་སུ་སྤོས་ནས་རིམ་བཞིན་འདུ་ཁང་དང་སྡོད་ཤག་སོགས་གསར་བསྐྲུན་བྱས་ཤིང། བྲག་དཀར་རིན་པོ་ཆེ་བསྟན་འཛིན་བློ་བཟང་སྙན་གྲགས་ལ་སོགས་པའི་ཐུགས་རྗེ་བཀའ་དྲིན་གྱི་འོག་ནས་ད་ཆར་དགེ་ཚུལ་མ་ཇེ་མང་དུ་སོང་བ་རྣམས་ཀྱིས་ཡི་གེ་འབྲི་ཀློག་ནས་བཟུང་སུམ་རྟགས་དག་གསུམ་དང་། རྒྱལ་བའི་གསུང་རབ་ཀུན་གྱི་གནད་བསྡུས་པ་ལམ་རིམ་སོགས་ལ་ཐོས་བསམ་སློབ་གཉེར་བྱེད་བཞིན་ཡོད། དུས་མཆོད་སྐོར་ལ། ཟླ་དང་པོའི་ནང་དུ་སྨན་བླ་མདོ་ཆོག་ཉིན་བདུན། ཟླ་གསུམ་པའི་ནང་དུ་བླ་མ་མཆོད་པའི་ཚོགས་མཆོད་ཉིན་བདུན། ཟླ་བཞི་བའི་ནང་དུ་སྨན་བླ་ཉིན་བདུན། རེ་འགར་ཟླ་ཕྱེད་བར་ཚོགས། ཟླ་དྲུག་པའི་ནང་དུ་སྨན་བླ་དང་བླ་མ་མཆོད་པ། སྒྲོལ་མ་སྒྲུབ་མཆོད་སོགས་ཉིན་འགའ་ཡོད། ཟླ་བརྒྱད་པའི་ནང་དུ་བདེ་མཆོག་གི་ཆོ་ག་ཉིན་ཤས། མདོར་ན་ཟླ་རེ་བཞིན་ཚེས་བརྒྱད་དང་བཅོ་ལྔ། ཉེར་གཉིས་དང་ཉེར་དགུ་བཅས་ལ་ཚོགས་འཁོར་རྒྱུན་དུ་འཚོག་བཞིན་པ་སོགས་ཀྱིས་བྲག་དཀར་རིན་པོ་ཆེའི་ཕྱག་བཞེས་རྣམས་མི་ཉམས་རྒྱུན་འཛིན་ཞུ་མུས་སུ་ཡོད།

སྟོང་འཁོར་དགོན་གསང་ཆེན་རྡོ་རྗེ་གླིང་གི་ལོ་རྒྱུས་སྙིང་བསྡུས།

༄༅། །འཇམ་པའི་དབྱངས་ཀྱི་ཐུགས་བསྐྱེད་བྱིན་མཐུ་ཡིས། །བར་ཁམས་སྟོང་འཁོར་ཡུལ་གྱི་ས་ཆ་རུ།།

གསང་ཆེན་རྡོ་རྗེ་གླིང་གི་དགོན་སྡེ་ཆེ། །དར་བའི་རིམ་པ་སྙིང་བསྡུས་འདི་ན་སྤེལ།།

དེ་ལ་འདིར་གང་གླེང་བའི་ལོ་རྒྱུས་ནི་༼ཁམས་སྟོང་འཁོར་གསང་ཆེན་རྡོ་རྗེ་གླིང་༽གི་དགོན་སྡེ་ཆེན་མོའི་སྐོར་ཡིན་ལ། དགོན་པ་འདི་ཕྱག་འདེབས་པོ་ནི་འཇམ་པའི་དབྱངས་ཀྱི་རྣམ་སྤྲུལ་ཞབས་དྲུང་སྐུ་ཕྲེང་དང་པོ་ཁམས་སྟོང་འཁོར་ཟླ་བ་རྒྱལ་མཚན་ཡིན་ཞིང་། དུས་རབས་བཅོ་ལྔ་པའི་སྨད་ཙམ་སྟེ་སྤྱི་ལོ་ ༡༤༩༤ ལོར་ཕྱག་བཏབ་པར་གྲགས། དགོན་པ་འདི་ནི་ཁམས་སྟོང་འཁོར་ཡུལ་གྱི་དགོན་སྡེ་ཆེ་ཤོས་དང་མདོ་ཁམས་ཡུལ་དུ་དགེ་ལུགས་ཀྱི་དགོན་སྡེ་དར་སྔ་ཤོས་ཀྱང་ཡིན་པ་བཀྲ་ཤིས་གཡས་སུ་འཁྱིལ་བའི་དུང་སྒྲ་སོགས་ལོ་རྒྱུས་རྣམས་སུ་གསལ། མཐོང་ན་དང་བ་འདྲེན་པའི་དགོན་པ་འདི་གང་དུ་དར་བའི་ས་ཆ་ནི་ཁམས་དཀར་མཛེས་དང་གསེར་རྟ་གཉིས་བར་གྱི་ལམ་དཀྱིལ་ཙམ་དུ་སྟོང་འཁོར་ཟླ་སྙི་གཉིས་སུ་གྲགས་པའི་ཡ་གྱལ་ཟླ་ཁོག་ཏུ་ཡོད་ཅིང་། རྒྱབ་རི་བརྗིད་ཉམས་ལྡན་ཞིང་ཤུག་པའི་ཚལ་གྱིས་བརྒྱན་ཞིང་། མདུན་རི་ནགས་ཚལ་གྱིས་གཡོགས་པའི་གསེབ་ཏུ་རི་དྭགས་སྣ་ཚོགས་རྩེད་འཇོ་ལ་རོལ་ཞིང་བྱ་དང་བྱིའུ་རྣམས་སྐད་སྙན་སྒྲོག་ས། གཡོན་རི་སྤང་ལྗང་ལྡན་པས་སྟོང་འཁོར་གནས་ཆེན་སཽརཱཥྚྲའི་ཆུ་སྣ་ཡན་ལག་བརྒྱད་ལྡན་ལ་སྐྱོར་བ་བྱས་ཏེ་ཁྲིད་ཅིང་། ཆུ་དེ་དང་གཡས་ནས་ཟླ་ཆུ་སྔོན་མོ་མགྱོགས་དལ་རན་པས་འབབ་པ་གཉིས་མདུན་དུ་འདྲེས་ས། ས་ལ་བཀྲ་ཤིས་རྟགས་བརྒྱད་དང་སེངྒེ་དང་གླང་ཆེན་ཐང་ལ་ཉལ་བ་འདྲ་བའི་ལྟས་བཟང་འཛོམས་ས་དེར་ཡོད་ཅིང་། དེ་ཡང་གདུལ་བྱ་དུ་མ་ལ་ཕན་པ་འབའ་ཞིག་གི་ཆེད་དུ་དར་ཞིང་། དར་བ་ཡང་གནད་དུ་སོང་བ་ནི་ས་དེར་ཕྱག་བཏབ་པའི་དགོས་པ་དང་གང་དུ་དར་བའི་ས་ཆའི་བཤད་པར་སྣང་ངོ་། །དེར་དར་ཞིང་ཡུན་དུ་གནས་པའི་དགོན་པ་འདི་མ་དགོན་ཡིན་ལ། འདིའི་བུ་དགོན་ལ་ལུ་གུ་དགོན་ཆོས་སྡེ་བཀྲ་ཤིས་གླིང་དང་། ཉི་བཀྲ་ཤིས་དར་རྒྱས་གླིང་། ཟིལ་གནོན་དགོན་བཀྲ་ཤིས་ཆོས་འཁོར་གླིང་། གཞི་ཆེན་དགོན་མཁར་དམར་གསང་སྔགས་བསྟན་རྒྱས་གླིང་བཅས་དགོན་པ་བཞི་དང་། དེ་དག་གི་ཆབ་འབངས་ལ་ཡུལ་ཕྱོགས་དེའི་ཟླ་སྙི་_{(ཟླ་ཉི)}གཉིས་ཀྱི་ལུང་པའི་ཡུལ་པ་ཁག་གཉིས་བཅས་བསྡོམས་པས་སྟོང་འཁོར་ཡུལ་དགོན་སྡེ་བདུན་ཞེས་གནའ་ནས་ངག་རྒྱུན་ལ་ཡོད་པ་དེ་དག་གི་ནང་ནས་མ་དགོན་གསང་ཆེན་རྡོ་རྗེ་གླིང་གི་བྱུང་རབས་མདོར་ཙམ་བརྗོད་ན། དང་པོར་ཕྱག་འདེབས་པ་པོ་ནི། འཇམ་པའི་དབྱངས་ཀྱི་རྣམ་སྤྲུལ་ཁམས་སྟོང་འཁོར་ཧོ་ཐོག་ཐུ་ཞབས་དྲུང་དང་པོ་ཟླ་བ་རྒྱལ་མཚན་ཡིན་ཞིང་། སྤྱི་ལོ་ ༡༤༩༤ ལོར་ཕྱག་བཏབ་པར་གྲགས། དེ་ནས་བཟུང་སྟེ་ད་ལྟའི་བར་དུ་ལོ་ངོ་ ༥༢༠ ལྷག་གི་རིང་ལ་དགོན་པ་འདི་ཉིད་ལ་སྟོང་འཁོར་ཞབས་དྲུང་ཧོ་ཐོག་ཐུ་ཟླ་བ་རྒྱལ་མཚན་ནས་བཟུང་སྐུ་ཕྲེང་བཅུ་གཅིག་དང་། སྐུ་ཕྲེང་དྲུག་པ་ཚུན་ཆད་མཁན་རབས་གྲུབ་པའི་དབང་ཕྱུག་བློ་བཟང་ཚུལ་ཁྲིམས་ནས་བཟུང་མཁན་རབས་བརྒྱད་ཅུ་གྱ་བཞི་ཙམ་དང་། གཞན་ཡང་འདུལ་བ་འཛིན་པའི་སྐྱེས་ཆེན་དམ་པ་བསམ་གྱིས་མི་ཁྱབ་པ་སྒྲུབ་པ་ཉམས་ལེན་གྱིས་རྟོགས་པ་མཐོན་པོར་གཤེགས་པ་དང་། མདོ་སྔགས་ཀྱི་ཆོས་འཆན་ཉན་གྱིས་དུས་འདའ་བའི་དགེ་འདུན་གྱི་སྡེ་རྒྱུན་མ་ཆད་པར་བྱུང་ཞིང་། སྔོན་གྱི་དུས་ནས་བསྟན་འགྲོའི་དོན་དུ་སྐྱེས་ཆེན་དུ་མས་ཆོས་ཕྱོགས་ཀྱི་མཛད་སྲོལ་བཟང་པོ་གནང་ཞིང་། དེང་གི་ཆར་ཡང་དགོན་པའི་ཕྱི་ནང་གི་བཀོད་པ་དང་། མཛད་བཟང་རྣམས་ཕྱག་ལེན་གྱི་ཟུར་མ་ཉམས་པར་གནས་པ་སོགས་སྐྱེ་བོ་ཀུན་གྱིས་མཇལ་དུ་ཡོད།

ལུ་གུ་དགོན་ཆོས་སྡེ་བཀྲ་ཤིས་འཁྱིལ་གྱི་ལོ་རྒྱུས་སྙིང་བསྡུས།

ལུ་གུ་དགོན་འདི་སྟོང་འཁོར་དགོན་གྱི་དགོན་ལག་ཅིག་ཡིན་ཞིང་།  སྟོང་འཁོར་ཟླ་སྟོད་དུ་ཆགས་ཡོད། འདིའི་ཕྱག་འདེབས་པ་པོ་ནི་བོན་པོ་རཏྣའི་མཚན་ཅན་ཞིག་ཡིན་པ་ལོ་རྒྱུས་རྣམས་སུ་གསལ།  ཡིན་ན་ཡང་སྟོང་འཁོར་ཞབས་དྲུང་སྐུ་ཕྲེང་བཞི་པའི་དུས་ནས་སྟོང་འཁོར་དགོན་གྱི་དགོན་ལག་ཏུ་གྱུར་ཅིང་།  དགོན་གནས་འདིའི་བདག་པོའང་སྟོང་འཁོར་ཞབས་དྲུང་རིམ་བྱོན་ཡིན་པར་མ་ཟད་སྐུ་ཕྲེང་ལྔ་པས་འདིའི་གྲུབ་མཐའ་ཡང་དགེ་ལུགས་སུ་བསྒྱུར་ནས་སྒྲིགས་ཁྲིམས་སྐོར་བཅའ་ཡིག་འཇོག་གནང་མཛད་པ་དང་དབུ་ཆོས་རྣམ་གསུམ་

སྙི་བཀྲ་ཤིས་དར་རྒྱས་གླིང་གི་ལོ་རྒྱུས་སྙིང་བསྡུས།

སྙི་བཀྲ་ཤིས་དར་རྒྱས་གླིང་ནི།   སྟོང་འཁོར་སྙི་ཁོག་ཏུ་ཆགས་ཡོད་ཅིང་།   འདིའི་ཕྱག་འདེབས་པ་པོ་སྟོང་འཁོར་ཞབས་དྲུང་སྐུ་ཕྲེང་བཞི་པ་གྲོང་འཇུག་མདོ་རྒྱུད་རྒྱ་མཚོ་ཡིན།   དགོན་འདི་དང་པོ་ནས་དགེ་ལུགས་ཀྱི་དགོན་སྡེ་ཞིག་ཡིན་པར་མ་ཟད་ཧོར་དགོན་སྡེ་བཅུ་གསུམ་གྱི་གྲས་སུ་བགྲང་བའི་ལོ་རྒྱུས་ཀྱང་ཡོད་ཅིང་དེ་ནི་ཕྱག་འདེབས་པ་པོས་ཧོར་ཆོས་རྗེ་ལ་ཕུལ་བས་དེར་རྩིས་པར་གྲགས།    

ཟིལ་གནོན་འབོས་ཆེན་དགོན་གྱི་ལོ་རྒྱུས་སྙིང་བསྡུས།

མཚན་གཞན་ལ་ཟིལ་གནོན་བཀྲ་ཤིས་ཆོས་གླིང་ཞེས་པ་གསང་སྔགས་རྙིང་མའི་དགོན་འདི་ནི་ཐོག་མར་སྟོང་འཁོར་སྙི་ཆུའི་ཕ་རོལ་འབོས་ཆེན་ཟེར་བའི་ལུང་ཆུང་ཞིག་ཏུ་ཆགས།  དེང་གི་ཆར་ཟིལ་ལུང་པར་ཡོད་ཅིང་འདིའི་ཕྱག་འདེབས་པ་པོ་ནི་བླ་མ་ཤེས་རབ་བློ་ལྡན་

གཞི་ཆེན་དགོན་གྱི་ལོ་རྒྱུས་སྙིང་བསྡུས།

གཞི་ཆེན་མཁར་དམར་གསང་སྔགས་བསྟན་རྒྱས་གླིང་ནི་སྔ་འགྱུར་རྙིང་མའི་ཆོས་བརྒྱུད་འཛིན་པ་ཞིག་ཡིན།  འདི་ཕྱི་ལོ་ ༡༦༦༤  ལོར་ཨོ་རྒྱན་ལྷུན་གྲུབ་རྒྱ་མཚོས་ས་བརྟགས་ལེགས་པར་མཛད་རྗེས་སུ་སྙི་ཁོག་ཡུལ་ཕྱོགས་སུ་ཕྱག་བཏབ།   ནང་རྟེན་ལ་འདྲ་སྐུ་གཏེར་མ་སོགས་ཡ་མཚན་པ་མང་དུ་བཞུགས།  ཆོས་ཐོག་ཁག་འཐུས་སྒོ་ཚང་བ་ཡོད་ཅིང་།  གཞི་ཆེན་དབོན་སྤྲུལ་རིན་པོ་ཆེ་དང་

སྟོང་འཁོར་ཡུལ་གྱི་དགོན་སྡེ་ཁག

ཁམས་སྟོང་འཁོར་དགོན་གསང་ཆེན་རྡོ་རྗེ་གླིང་།